नेपालगञ्ज : बाँकेबाट बुधवार १० जना कोरोनामुक्त भई डिस्चार्ज भएका छन् । भेरी अस्पतालबाट ७ जना, होटल इन्द्रेणीबाट २ जना र कृषि तालिम केन्द्र आइसोलेशनबाट १ जना डिष्चार्ज भएका हुन् । डिस्चार्ज हुनेमा तीनजना नेपाल प्रहरीका कर्मचारीसहित ५ पुरुष र ५ महिला रहेका छन् ।
योसँगै बाँकेमा कोरोना संक्रमणबाट निको हुनेको संख्या १ हजार ८८ पुगेको छ । स्वास्थ्य कार्यालय बाँकेका फोकल पर्सन नरेश श्रेष्ठका अनुसार विभिन्न आइसोलेशन केन्द्रमा अन्य जिल्लाका ३ जना गरी ४ सय १९ जना संक्रमित उपचाररत छन् ।
