लक्ष्मी तिमिल्सेना/नेपालगञ्ज : राष्ट्रियस्तरका कलाकारहरुले कारोना महामारीकै बीच पछिल्लो समय गीतहरु सार्वजनिक गर्न थालेका बेला मोफसलमा बसेर कला क्षेत्रमा काम गरिरहेकाहरु पनि विस्तारै आफ्ना सिर्जनाहरु सार्वजनिक गर्न थालेका छन् ।
गायक तिलक परियारको “सुन हजुर” बोलको टप्पा गीत युट्युबमार्फत सार्वजनिक भएको छ । सो गीत गायक परियारको आफ्नै यु ट्युब च्यानलबाट सार्बजनिक भएको हो । प्रिज्म रेकर्डिङ स्टुडियोमा रेकर्ड गरिएकोे गीतमा शब्द लक्ष्मण ओलीको रहेको छ भने, लय गायक परियारकै रहेको छ ।
बिबि अनुरागीको संगित संयोजन रहेको गीतमा स्वर तिलक परियार र टीका पुनको रहेको छ । गीतमा मोफसलमा बसी काम गरिरहेका गीत निर्देशक नवराज सुबेदीको परिकल्पना र निर्देशन रहेको छ ।
केन्द्रमा भन्दा मोफसलमा म्युजिक भिडियो बनाउन चुनैती रहेको भन्दै निर्देशक सुबेदीले गीतलाई माया गरिदिन सबैलाई आग्रह गरेका छन् । गीतमा सरला शाही, बादल स्याङ्घाबो तामाङ्ग, पुष्पा रेग्मी, आकाश ठाकुर, स्मारिका मल्ल, झबिन बर्मेली सुनारलगायतको अभिनय रहेको छ ।
बाँकेको पर्यटकीयस्थल गाभरमा छायाकंन गरिएको गीतमा छायाकंन सम्पादन आर केसी प्रालीका निर्देशक रामु चौधरीको रहेको छ । निर्देशक नवराज सुबेदी र रामु चौधरीको यो ८औं सहकार्य हो ।
तिलक परियारको ‘सुन हजुर’ सार्वजनिक
;
१३ भाद्र २०७७, शनिबार १८:१८
