नेपालगञ्ज : पाँच नंम्बर प्रदेश सभासदस्य कृष्णा केसी नमूनासहित २८ जनाले आज कोरोना जितेर घर फर्कदै छन् । १३ जना महिलासहितका २८ जना जिल्लाका विभिन्न आईशोलेशन अस्पताल तथा अईशोलेशन सेन्टरमा बस्दै आएको जिल्ला कोरोना फोकल पर्शन नरेश श्रेष्ठले जानकारी दिए ।
आज बिहीबार डिस्चार्ज हुनेहरुमा अधिकाँश नेपालगञ्जका रहेका छन् । यसअघि जिल्लामा सबैभन्दा बढि एकै दिन ३० जना कोरोना जितेर घर फर्केका थिए ।
बाँकेमा अन्य जिल्लाका समेत गरि ७६६ जना कोरोना संक्रमित हुँदा ४९६ जना कोरोना जितेर घर फर्किसकेका छन् । हाल २६६ जना सक्रिय संक्रमित रहेका छन् । त्यस्तै कोरोना संक्रमणका कारण ४ जनाले ज्यान गुमाएका छन् ।
