नरैनापुरका सबै कोरोना जितेर घर फर्किए

३१ जेष्ठ २०७७, शनिबार १३:४३
 

सदरलाइनडटकम,
नेपालगञ्ज  : कोबिड–१९ को हटस्पट बनेको बाँकेको नरैनापुर गाँउपालिकाले शनिबारसम्म कोरोना संक्रमणको दर शुन्यमा झरेको छ । नरैनापुरमा १ सय १८ मा कोरोना संक्रमण देखिएकोमा १ जनाको भने मृत्यु भएको थियो ।

जिल्लाकै कोरोना संक्रमणको रुपमा हटस्पटका रुपमा देखिएको नरैनापुरका सबै संक्रमितहरु कोरोनामुक्त भएर घर फर्केका छन । नरैनापुरका सबै ११७ जनालाई घर फर्काईएको छ ।

बाँकेका प्रमुख जिल्ला अधिकारी रामबहादुर कुरुम्बाङ्गले नरैनापुरका १ सय १७ जना संक्रमितकै रिपोर्ट नेगेटिभ आएपछि उनीहरु घर फर्किएको बताए । भारतको महाराष्ट्रमा पुगेका धेरै जना नेपालीहरु लकडाउनके बीचमा धमाधम घर फर्किएपछि नरैनापुरमा कोरोनाको हटस्पट बनेको थियो ।

नरैनापुरमै कार्यरत गुल्मी घर भएका एक प्रहरी समेत गरी १ सय १८ जनामा कोरोना संक्रमण देखिएको थियो । ती मध्ये एकको मृत्यु भएको छ भने अरु संक्रमित सबै उपचारपछि घर फर्किएका छन ।

Next Post

मनसुन भित्रियो, सतर्कता अपनाउन आग्रह

३१ जेष्ठ २०७७, शनिबार १३:४३
सदरलाइनडटकम, नेपालगञ्ज : नेपालमा यस वर्ष दुई दिन ढिलो गरी मनसुन भित्रिएको छ । मनसुन नेपालको पूर्वी भूभागमा जुन १२ मा प्रवेश गरेको र यससँगै मौसमी गतिविधि बढ्ने सम्भावना रहेकाले सतर्कता अपनाउन मौसम पूर्वानुमान महाशाखाले आग्रह गरेको छ । शुक्रवार बेलुका नेपालको पूर्वी भूभाग हुँदै प्रवेश गरेको मनसुन शनिवारबाट देशभर […]

सम्बन्धित