सदरलाइनडटकम,
नेपालगञ्ज डेस्क : भारतको बहराइचमा बर्दियाका एकजनामा कोरोना संक्रमण पुष्टि भएको छ । बर्दियासँग सीमा जोडिएको बहराइचमा एक नेपालीसहित आठजनामा कोरोना संक्रमण पुष्टि भएको हो ।
कोरोना संक्रमित व्यक्ति ठाकुरबाबा नगरपालिका–२ सुजनपुरका रहेको प्रमुख जिल्ला अधिकारी प्रेमलाल लामिछानेले जानकारी दिए । रुपईडिहा बहराइचको सेल्टर क्वारेन्टाइनमा रहेका तीनजना नेपालीको नमुना परीक्षण गर्दा एकजनामा कोरोना पुष्टि भएको हो ।
बहराइचमा कोरोना संक्रमित फेला परेपछि सीमा क्षेत्रमा उच्च सर्तकता अपनाइएको छ । कोरोना संक्रमित आठजनामध्ये दुई भारतीय बर्दियाको राजापुर, मधुवन नगरपालिका आसपासमा काम गर्ने रहेको खुलासा भएको छ ।
उनीहरु मधुवन र राजापुर नगरपालिका कोठियाघाटबाट हिँडेर भारतको बिछिया हुँदै बहराइच पुगेपछि क्वारेन्टाइनमा राखिएको बहराइचबाट उनका आफन्तले जानकारी गराएको ठाकुरबाबा स्वास्थ्य शाखाका डा. कुलदीप यादवले बताए ।
भारतको बहराइचमा बर्दियाका एकजनामा कोरोना पुष्टि
१२ बैशाख २०७७, शुक्रबार १०:१२
