सदरलाइनडटकम,
काठमाडौं : निवर्तमान सञ्चारमन्त्री गोकुल बास्कोटाको भक्तपुरस्थित घर नजिकै बम विष्फोट भएको छ ।
भक्तपुरको बालकोटस्थित बास्कोटाको घर नजिकै खुला स्थानमा बुधबार बिहान विष्फोट भएको हो ।
जिल्ला प्रहरी कार्यालय भक्तपुरका अनुसार बुधबार बिहान ७ : ४५ बजे बम विष्फोट भएका थियो ।
बास्कोटाको घरलाई नै लक्षित गरी बम विष्फोट गराइएको प्रहरीले बताए पनि कसले र किन गरायो भन्ने खुलाएको छैन ।
घटनास्थलमा प्रहरी उपरीक्षक सविन प्रधान नेतृत्वको टोली पुगेर अनुसंधान सुरु गरेको छ ।
विष्फोटबाट घरको पर्खाल, तथा झ्यालका सिसा फुटेका छन् ।
