सदरलाइनडटकम,
काठमाण्डौ : भारतले चीनको वुहान शहरबाट आफ्ना नागरिकलाई लिनका लागि पठाएको विमान चिनियाँ अधिकारीहरुले उडान अनुमति नदिँदा त्यहीँ अड्किएको छ ।
भारतीय अधिकारीका अनुसार विश्वका कयौँ देशले आफ्ना नागरिकको उद्धारका लागि विमान पठाइरहेका छन् ।
ती सबै देशका जहाज उड्न चीनले अनुमति दिइरहेको छ । तर भारतीयको उद्धारमा पुगेको जहाजलाई हुवानबाट उड्न नदिइएको भारतीय सञ्चारमाध्यमले जनाएका छन् ।
भारतीय अधिकारीका अनुसार प्रधानमन्त्री नरेन्द्र मोदीले चीनका राष्ट्रपति शी जिनपिङ्गलाई पत्र लेखेर यस आपतमा चिनियाँ सरकार र जनताको साथमा रहने जनाउँदै हरसम्भव मदत गर्न तयार रहेको उल्लेख गरेका थिए । कोरोना भाइरसका कारण चीनमा कयौँ देशका नागरिक फसेका छन् । (एजेन्सी)
