सदरलाइनडटकम,
कोहलपुर (बाँके) : प्रतिबन्धित पाँच ओले जडिबुटीसहित शनिवार बाँकेमा तीन जना पक्राउ परेका छन् । कोहलपुर नगरपालिका वडा नं. ११ लोकनगरबाट ५ किलो पाँच ओले जडीबुटीसहित कालीकोट पचाल झरना गाउँपालिका ५ का ४६ वर्षीय अग्र बम, जुम्लाको हिम गाउँपालिका वडा नं. ६ बस्ने ३६ वर्षीया यमराज अधिकारी र कोहलपुर ११ बस्ने ५४ वर्षीय बिर बहादुर शाही पक्राउ परेका हुन् ।
५ नं. प्रदेश प्रहरी कार्यालय अनुसन्धान ब्युरो दाङ र इलाका प्रहरी कार्यालय कोहलपुरबाट गएको टोलीले शनिवार दिउँसो खानतलासी गर्दा उनीहरुको साथबाट उक्त परिमाणको प्रतिबन्धित जडीबुटी बरामद भएको प्रहरीले जनाएको छ ।
पक्राउ परेका तीनै जनालाई आवश्यक अनुसन्धानका लागि इलाका प्रहरी कार्यालय कोहलपुरमा राखिएको प्रहरी नयाब उपरीक्ष हेमबहादुर शाहीले जानकारी दिए ।
किलो
