सदरलाइनडटकम,
जनकपुरधाम : नेपाली काँग्रेसका उपसभापति विमलेन्द्र निधिले मधेस समस्याको समाधान संविधान संशोधनबाट हुने भएपनि मधेशवादी दलबाट संशोधन हुनै नसक्ने दाबी गरेका छन् ।
जनकपुरधामको जिरोमाइलस्थित जनकपुर युथ क्लबको १३औं साधारणसभामा बोल्दै नेता निधिले मधेशवादी दलले मधेशको विकास गर्न सकेपनि मधेशी जनताको एजेण्डालाई कहिले पनि स्थापित गर्न नसक्ने दाबी गरे ।
उनले प्रदेश सरकारबाट केही दिनअघि प्रदेश प्रहरी सेवा ऐन बहुमतबाट पारित भएकोमा खुशी व्यक्त गर्दै उनले प्रदेश प्रहरी ऐनमा नेपाली काँग्रेसको पूर्ण सहमती रहको जानकारी दिए । नेता निधिले संघीयतामा प्रदेश सरकारको आफ्नै संसद, प्रहरी, प्रशासन, अदालत, कर्मचारी हुनुपर्ने काँग्रेसको एजेण्डानै भएको बताए । नेता निधिले प्रदेश २ को नाम मिथिला प्रदेश हुनुपर्नेमा जोड दिए ।
![](https://sadarline.com/wp-content/uploads/2022/07/3.jpg)