सदरलाइनडटकम,
बर्दिया : बर्दियाको मदाहमा गाँउस्तरीय खुल्ला फुटबल प्रतियोगिता बुधवारदेखि शुरु भएको छ । सगरमाथा समाज सुधार युवा क्लव मदाहको आयोजनामा बाँसगढी नगरपालिका ४ मदाहमा प्रतियोगिता शुरु भएको हो ।
राष्ट्रका लागि खेलकुद, स्वास्थ्यका लागि खेलकुद भन्ने नाराका साथ शुरु भएको प्रतियोगिता कार्तिक २० गतेसम्म सञ्चालन हुने छ । बुधवार भएको उद्घाटन प्रतियोगितामा आयोजक सगरमाथा समाज सुधार युवा क्लव मदाह र बेलवाबीच भएको पहिलो खेलमा आयोजक टीम बिजय भएको छ ।
दुबै टीमले निर्धारित समयमा गोल गर्न नसकेपछि पेनाल्टी सुटआउटमा ३ काबिरुद्ध ५ गोलले आयोजक मदाह बिजयी भएको हो । प्रतियोगिताको वडा नम्बर ४ का वडा सदस्य युद्धकुमारी बिकले उद्घाटन गरेकी थिइन् ।
क्लवका अध्यक्ष रामसिंह थारुको अध्यक्षतामा भएको उद्घाटन कार्यक्रममा नागरिक समाजका अगुवा बुद्धे बिक, कुमाल थारु, खेल प्रशिक्षक बुद्धराम थारु र बिशाल चौधरी, स्थानिय, खेल प्रेमी खेलाडी, सञ्चारकर्मीलगायतको उपस्थिति रहेको थियो ।
