सदरलाइनडटकम,
नेपालगन्ज : नेपाली काँग्रेसका महामन्त्री डा. सशांक कोइरालाले बर्तमान सरकारसँग कुनै ठोस योजना नरहेकोले लक्ष्य बिनानै अघि बढेको बताएका छन् । नेपाल प्रेस युनियन बाँकेले बुधवार नेपालगञ्जमा गरेको पत्रकार भेटघाट कार्यक्रममा उनले जनताको चाहना विपरीत सरकारले काम गरिरहेको आरोप लगाए ।
महामन्त्री डा.कोइरालाले बर्तमान सरकारको रवैया र पार्टी भित्रको किचलोका कारण लोकतन्त्रनै खतरामा पर्ने तर्फ सचेत रहन आग्रह गरे । पार्टीभित्र अझै विवाद रहेको नसकेको स्विकार्दै उनले पार्टी एकढिक्का नभए लोकतन्त्रलाई जोगाउन नसकिने औल्याए ।
लोकतन्त्र र समृद्धिका लागि कांग्रेस बलियो हुन आवश्यक रहेको भन्दै महामन्त्री कोइरालाले प्रेसमाथि अंकुश लगाएर सरकार लोकतन्त्रप्रति प्रतिबद्ध नरहेको उल्लेख गरे ।
सरकार लक्ष्यबिहीन रहेको कोइरालाको आरोप
६ भाद्र २०७५, बुधबार ११:५८
