सदरलाइनडटकम
२४ फागुन, नेपालगन्ज : १०८ औं अन्तर्राष्ट्रिय महिला दिवस बाँकेमा पनि बिहीबार धुमधामका साथ मनाइएको छ । महिला तथा बालबालिका कार्यालयको संयोजनमा बिहीबार बिहान गणेशमान चोकबाट वृहत प्रभातफेरी तथा कोण सभा गरिएको छ ।
गणेशमान चोकदेखि जैसपुर चोकसम्म वाजागाजा र सचेतनामुलक नारासहित प्रभातफेरी गरि कोणसभा गरिएको थियो । प्रभातफेरीमा विभिन्न संघ संगठनको सहभागिता रहेको थियो ।
उच्च अदालत नेपालगन्जका न्यायधिश सारंगा सुवेदी, जिल्ला समन्वय समितिका अध्यक्ष अजय श्रीवस्तव, नगर उपप्रमुख उमा थापामगर, महिला तथा बालबालिका कार्यालय प्रमुख शोभा शाह लगायतले शुभकामना दिएका थिए ।
