सदरलाइनडटकम
२८ मंसिर, नेपालगन्ज : नेपाल पुस्तक तथा स्टेशनरी व्यावसायी संघको आयोजनामा आठौ राष्ट्रिय पुस्तक प्रदर्शनी तथा शैक्षिक महोत्सवको उद्दघाटन अघि नेपालगन्जमा भब्य झाँकी निकालिएको छ । आगामी पुस ५ गतेसम्म नेपालगन्जको कारकाँदोस्थित सडक विभागको परिसरमा सञ्चालन हुने सो महोत्सवको महामहिम उप–राष्ट्रपति नन्दबहादुर पुनले उद्दघाटन गर्ने छन् ।
सो अवसरमा शिक्षा क्षेत्रमा योगदान पुर्याएका काठमाण्डौ विश्वविद्यालयका पूर्व उपकुलपति प्रा. डा सुरेशराज शर्मा, हरीप्रसाद रावत, साहित्यकार सनत रेग्मी र यादव खरेललाई रथमा राखेर कार्यक्रम स्थलसम्म लगिएको थियो ।
