नेपालगञ्ज : शुक्रबार काठमाण्डौमा राजावादीको आन्दोलनका क्रममा पत्रकारको हत्या, कुटपिट, दुव्र्यवहार तथा सञ्चार गृहमा गरिएको आगजनी, तोडफोड र ढुंगा मुढाविरुद्ध बाँकेमा श्रद्धाञ्जली सभासंगै बिरोध सभा गरिएको छ ।
नेपाल पत्रकार महासंघ बाँकेको आयोजनामा नेपालगञ्जको वीपि चोकमा सो कार्यक्रम आयोजना गरिएको हो । काठमाडौंमा भएको घटनापछि पत्रकार महासंघले शनिबार (आज) मनाउने भनिएको ७० औं स्थापना दिवसका औपचारिक अनौपचारिक कार्यक्रम समेत स्थगित गरिएको थियो ।
पत्रकार महासंघ बाँकेका अध्यक्ष नवीन गिरीको अगुवाईमा शनिबार साँझ ५ः४५ बजे स्थानीय विपी चोकमा श्रद्धाञ्जली सभा तथा बिरोध सभा आयोजना गरिएको थियो ।
पूर्वराजा समर्थकको आन्दोलनका क्रममा हत्या गरिएका पत्रकार सुरेश रजकको हत्याको विरोधमा देशभरका पत्रकार आन्दोलित छन् । नेपाल पत्रकार महासंघ केन्द्रीय समितिले पनि शनिबार बिहान काठमाडौंमा श्रद्धाञ्जली सभा तथा बिरोध सभा गरेको थियो ।
पत्रकार महासंघ केन्द्रीय समितिले शनिबार काठमाडौंमा श्रद्धाञ्जली सभा तथा बिरोध सभा आयोजना गरेको थियो ।
