नेपालगञ्ज : वन्यजन्तु सरक्षण ऐन २०२९ ले संरक्षित वन्यजन्तुको सुचीमा सुचिकृत बर्दियाको गुलरियास्थित खैरापुरको प्राकृतिक बासस्थानमा रहेका कृष्णसार अवलोकन गर्ने पर्यटकको संख्या बढेको छ ।
नेपालमा मात्र नभएरै बिश्वमै दुर्लभ मानिने सरक्षित बन्यजन्तु हेर्न आन्तरिक सार्क मुलुक लगायत बिदेशी पर्यटक बढेसङ्गै राजस्व संकलनमा समेत वृद्धि भएको छ । कृष्णसार सरक्षण क्षेत्रमा बिदेशी पर्यटकको संख्या बढेको छ ।
आर्थिक बर्ष २०७९/८० मा नेपाली ५ हजार ७ सय सार्क मुलुकबाट ४ र बिदेशि ४ गरि ५ हजार ७ सय ८ जना पर्यटकले कृष्णसार सरक्षण क्षेत्र अवलोकन गरेका छन् । आर्थिक बर्ष २०८०/८१ को असार सम्म नेपाली ५ हजार ५ सय ६३, सार्क मुलुक ९ र बिदेशि ४२ गरि ५ हजार ६ सय १४ जनाले अवलोकन गरेका छन् । अवलोकनमा आउने पर्यटक मध्य बाह्य मुलुकको भन्दा नेपालिको संख्या अधिक छ ।
आर्थिक बर्ष २०७९÷८० मा सरक्षण क्षेत्रमा आएका पर्यटकबाट ६ लाख ६३ हजार ६ सय ३०रुपैयाँ राजस्व संकलन भएकोमा २०८०÷८१ को असार मसान्त सम्ममा ६ लाख४४ हजार ८ सय रुपैयाँ राजस्व उठेको कृष्णसार सरक्षण क्षेत्रका अधिकृत बिनयकुमार झाले जानकारी गराउनु भएको छ ।
सरक्षण क्षेत्रमा प्रवर्द्धनगर्न कार्यलयले भ्यु टावर डिजिटल बोर्ड निर्माण लगायत होमस्टे प्रवर्द्धनको लागि सुरुवात गरेको छ । बार्षिक रुपमा पर्यटक वृद्धि गर्दै सरक्षण क्षेत्रलाई पर्यटकिय हबको रुपमा बिकास गर्न स्थानिय सरकार वडा र परिषदसङ्ग सहकार्य गर्दै आगामि बर्षमा बिस्तार गर्ने गरि कार्यक्रम तयार पारिएको छ ।
बर्दियाको खैरापुरस्थित कृष्णसार सरक्षण क्षेत्रमा पर्यटकहरु नियमित आउने गरेका छन् । टिकट काटेर मात्र प्रवेशको अनुमति पाइन्छ । दशै तिहार जस्ता चाडपर्वमा कृष्णसार हेर्ने पर्यटकको चाप अत्याधिक हुन्छ । अवलोकनका क्रममा कृष्णसारलाई लखेट्न, छुन, हो हल्ला गर्न तथा फोहोर फाल्न पाईंदैन ।
कृष्णसार सरक्षण क्षेत्रमा भाले ३७, पोथि १२२, र बच्चा ४० गरि १९९ कृष्णसार रहेका छन् । सरकारले कृष्णसार सरक्षण क्षेत्र घोषणा गरि दुर्लभ वन्यजन्तु सरक्षण गर्न थालेको छ । पर्यटकिय अवलोकनका लागि नेपालीलाई १ सय ,सार्क मुलुक ५ सय र बिदेशी पर्यटकले २ हजार रुपैयाँ दस्तुर बुझाउनु पर्छ ।
कार सफारि १ हजार ५ सय र जिप सफारीको लागि ३ हजार रुपैयाँ कायम गरिएको छ। दश बर्ष मुनिका स्वदेशी तथा बिदेशि बालबालिका र सत्तरि बर्ष उमेर पुगेका जेष्ठ नागरिकलाई प्रवेश निःशुल्क छ ।
बर्दिया खैरापुरको प्राकृतिक बासस्थानमा रहेका र्दुलभ बन्यजन्तु कृष्णसार हेर्न आउने पर्यटक बढेसँगै राजस्व पनि बढेको छ । त्यसैले सबैमिलि कृष्णसारको संरक्षणगर्दै पर्यापर्यटन प्रर्बद्धनमा हातेमालो गर्न आवश्यक छ ।
