राप्तीसोनारी (बाँके) : बाँके क्षेत्र नं.१ का प्रतिनिधि सभा सदस्य सुर्य ढकाललाई राप्तीसोनारी गाउँपालिकाका स्थानीयले बजेट माग गरेका छन् ।
राप्तीसोनारी गाउँपालिकामा रहेका सामुदायिक विद्यालयहरुमा टिनका छाना मुक्त मुक्त बनाउन आवश्यक बजेट माग गरेका हुन् । राप्ती सोनारी गाउँपालिका कूल सामुदायिक विद्यालयहरु कूल ५४ वटा रहेका छन् । जसमध्य २० वटा माध्यमिक तह र ३४ वटा आधारभूत तह विद्यालयहरु रहेका छन् ।
त्यसै गरी ढकेरी प्रहरी चौकिको पक्की भवन निमार्णका लागि समेत आवश्यक बजेट माग गरिएको छ भने राप्ती सोनारी गाउँपालिका क्षेत्र भित्र राष्ट्रिय बाणिज्य बैकको शाखा ल्याउन समेत पहल गर्न माग गरिएको छ ।
बाँके क्षेत्र नं.१ का प्रतिनिधि सभा सदस्य सुर्य ढकालललाई उक्त माग राप्ती सोनारी गाउँपालिका खुमा डाँगी, माधव पौडेल, मनोज केसी, मदन वली, सोहनलाल थारु, श्रीधर उपाध्यायले बजेट माग गरेका हुन् । ज्ञापनपत्र बुझ्दै प्रतिनिधि सभा सदस्य सुर्य ढकालले समग्र बाँके क्षेत्र नं.१ को विकासका निम्ति संसद कोष बाट प्राप्त रकम आवश्यक पर्ने स्थानहरुमा खर्च गर्ने बताए ।
उनले स्थानीय तहहरु समेत आवश्यक योजना सहित माग बजेट माग गरिए उक्त रकम विकास निमार्णमा खर्च गरिने बताएका छन् ।
ढकालले भने अदालतमा रिट परेको छ’ सांसद विकास कोष विरुद्ध ‘ तर जनताको प्रतिनिधि हुनाको हैसिएतले विकास निमार्ण गर्न पनि सांसदहरुको अधिकार तथा जम्मेवारी समेत भएको हुनाले जनताको पक्षमा उक्त रिट बारे अदालतले विचार गर्ने विश्वास समेत व्यक्त गरेका छन् ।
