दाङ : दाङको घोराहीस्थित भानुचोकमा जम्मा भएर आदिकवि भानुभक्त आचार्यको सम्झना गरिएको छ । २१० औं भानु जयन्तीका अवसरमा शुक्रबार घोराही उपमहानगरपालिका–१५ स्थित भानुचोकमा आदिकवि आचार्यको सम्झना गर्दै साहित्यकार, शिक्षकलगायतका स्थानीयले स्थानीय सरकारसँग भानुभक्त आचार्यको नाममा चोकलाई नामकरणसँगै सालिक राख्न माग गरेका हुन् ।
चोकमा जम्मा भएका साहित्यकारले भानुभक्तको सम्झनामा विभिन्न रचना वाचन गरेका थिए । रचना वाचन गर्दै साहित्यकार तथा प्राध्यापक किशोरचन्द्र गौतमले नेपाली भाषा तथा साहित्यको विकासमा भानुभक्त आचार्यको महत्वपूर्ण भूमिका रहेको बताए । उनले भने,‘‘भाषाका माध्यमबाट नेपाली समुदायलाई एकताबद्ध गर्न भूमिका खेल्ने राष्ट्रिय विभूतिको सम्मान गर्न आवश्यक छ ।’’
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
कार्यक्रममा साहित्यकार, शिक्षक, बुद्धिजीवीलगायतले नेपाली भाषामा रामायण पढ्ने अवसर दिने, नेपाली समाजलाई भाषिक स्वाभिमान दिने, भाषिक एकताको बलियो राष्ट्रिय डोरी उपलब्ध गराउने आदिकवि भानुभक्त आचार्यप्रति श्रद्धा अर्पण गरेका थिए ।