डुडुवा (बाँके) : डुडुवा गाउँपालिकामा आइतवार भएको घरदैलोमा उत्साहजनक सहभागिता रहेको छ । उक्त गाउँपालिकाको वडा नम्बर ३ मा गरिएको घरदैलोका क्रममा नेकपा एमालेका उम्मेदवारलाई जिताउन स्थानीयले स्वस्फूर्त रुपमा सहभागिता जनाएका हुन् ।
एमालेका तर्फबाट गाउँपालिका अध्यक्षकी उम्मेदवार सरोजकुमारी यादव र उपाध्यक्षका उम्मेदवार शकिल खाँ लगायत एमालेका स्थानीय नेता, कार्यकर्ता, सर्बसाधारणको सहभागिता रहेको थियो ।
घरदैलोमा निस्केका एमालेका उम्मेदवारलाई स्थानीय बासिन्दाले स्वागत गरेका थिए । सो क्रममा गाउँपालिका अध्यक्षकी उम्मेदवार यादव र उपाध्यक्षका उम्मेदवार खाँले आफुहरुलाई एक पटक जनताको सेवा गर्ने अवसर दिन आग्रह गरे ।
‘हामीलाई एक पटक तपाईको सेवा गर्ने अवसर दिनुस्, हामी विजयी भयौं भने तपाईको सेवा गर्नेछौं,’ यादवले भनिन् । उपाध्यक्षका उम्मेदवार खाँले जनताको सेवा गर्नका लागि आफु राजनीतिमा आएको बताए ।
