नेपालगञ्ज : नेपालगञ्जको सिमा नाका जमुनाहबाट लागुऔषधसहित एक जना १९ बर्षीय युवक पक्राउ परेका छन् ।
बिहीवार बिहान पौने १० बजे नेपालगञ्जको जमुनाहा नाकामा लागुऔषधसहित गोटीकाँडा गाउँपालिका ५ जुम्लाका १९ बर्षीय दिनेश नेपालीलाई इलाका प्रहरी कार्यालय जमुनाहको टोलीले पक्राउ गरेको हो ।
शंकास्पद तरिकाले रुपइडिहाबाट नेपालगञ्जतर्फ आउँदै गरेका नेपालीलाई जाँचका क्रममा लागुऔषध ५१ पिस नाइट्रोभेट टयावलेट, ४० पिस ट्रामाडोल र १० पिस एन टी टेन टयावलेटसहित जमुनाहा प्रहरीका इन्चार्ज प्रहरी नायब निरीक्षक मीन बहादुर बिष्टको टोलीले पक्राउ गरेको जिल्ला प्रहरी बाँकेले जनाएको छ ।
पक्राउ परेका नेपालीलाई लागुऔषध कसुरमा थप अनुसन्धान भइरहेको नायब निरीक्षक बिष्टले बताए ।
