नेपालगञ्ज : कोरोना संक्रमणबाट बाँकेमा थप एकजनाको मृत्यु भएको छ । गढवा १ दाङका ३३ वर्षीय पुरुषको उपचारका क्रममा भेरी अस्पतालमा शुक्रवार दिउँसो १ बजे मृत्यु भएको हो ।
असोज २ गते संक्रमण पुष्टि भएका उनलाई असोज २१ गते भेरी अस्पतालमा भर्ना गरिएको थियो । स्वास्थ्यमा सुधार नआउँदा उनको दिउँसो मृत्यु भएको जिल्ला कोभिड–१९ संकट व्यवस्थापन केन्द्रले जनाएको छ ।
योसँगै बाँकेमा मृतकको संख्या ३३८ पुगेको छ भने बाहिरी जिल्लाबाट बाँकेमा उपचार गराउन आएका ४२७ जनाको मृत्यु भइसकेको छ ।
