नेपालगञ्ज : नेकपा एमाले बाँकेले पार्टीमा एकताबद्ध भएर लाग्न अपिल गरेको छ । जिल्ला अध्यक्ष सूर्य ढकालले हस्ताक्षर गरेको जारी अपिलमा नेकपा एमालेको लोकप्रियतामाथि चौतर्फी प्रहार भइरहेको बेला पार्टीका वरिष्ठ नेता माधवकुमार नेपालले दल विभाजन गर्ने कार्य घृणित र निन्दनीय काम गरेको उल्लेख गरिएको छ ।
नेकपा एमालेको आन्तरीक जीवनमा मात्र नभइ नेपालको समग्र कम्युनिस्ट आन्दोल समाप्त पार्ने कार्य प्रति चिन्तत तुल्याएको बताइएको छ। तर नेकपा एमाले समाप्त नहुने र पार्टीलाई जीवन्त बनाउन साथीहरूलाई पार्टी विभाजनमा नलाग्न र मूल धारमा नै संगठित हुन अनुरोध गरेका छन् ।
पार्टीमा सबैलाई काम र योग्यताअनुसार कुनै पक्षपात नगरि उचित जिम्मेवारी दिने कुरामा आफू प्रतिवद्ध रहेको अध्यक्ष ढकालले अपिलमा उल्लेख गरेको छन् ।
यसैगरी, नेकपा एमाले पार्टीको मूलधारमा र एकतावद्ध रहन बैजनाथ गाउँपालिका नेकपा एमाले गाउँ कमिटीले अपिल गरेको छ ।
कमिटीले जारी अपिलमा पार्टीको विचार जनताको बहुदलिय जनवाद र सूर्य चुनाव चिह्नमा एकतावद्व रहन आम नेता कार्यकताहरूलाई अपिल गरेको हो ।
