काठमाण्डौ : शनिबार देशभर ३ हजार एक सय ६ जना कोरोना भाइरसका नयाँ संक्रमित थपिएका छन् । स्वास्थ्य तथा जनसंख्या मन्त्रालयको पछिल्लो विवरणअनुसार पछिल्लो २४ घन्टामा ९ हजार २ सय ६३ जनाको पिसिआर गर्दा २२ सय ८० र ४२ सय ५६ जनाको एन्टिजेन परीक्षण गर्दा ८२६ जना गरी ३१ सय ६ जना नयाँ संक्रमित भेटिएका हुन् ।
यस्तै, शनिवार थप २३ जना संक्रमितको मृत्यु भएको छ भने हालसम्म ९ हजार ८५७ जनाले संक्रमणबाटै ज्यान गुमाएका छन् । शनिवार १९ सय १६ जनाले कोरोनालाई जितेर घर फर्किएका छन भने हाल नेपालमा संक्रमणमुक्त हुने दर ९४ दशमलव एक प्रतिशत रहेको मन्त्रालयले जनाएको छ ।
