नेपालगञ्ज डेस्क : भारतको जम्मुकश्मीरमा भएको भिडन्तमा एक नेपालीको मृत्यु भएको छ । भिडन्तमा परी दाङको तुलसीपुर उपमहानगरपालिका वडा नं. ९ बेलुवा निवासी ३० वर्षीय प्रेम केसीको मृत्यु भएको हो ।
मृतक केसी विगत १४ वर्षदेखि ‘इण्डियन आर्मी’ मा कार्यरत थिए । मृतकका पारिवारिक स्रोतका अनुसार शुक्रवार बिहान ५ बजे भएको भिडन्तमा केसीको मृत्यु भएको हो । उनको शव नेपाल ल्याउन पहल भईरहेको बताइएको छ ।
