नेपालगञ्ज : बाँकेमा थप २३ जना कोरोनामुक्त भई मंगलवार डिस्चार्ज भएका छन् । कोरोना संक्रमण पुष्टि भएपछि उनीहरुलाई असोज ६ गते बाँकेका विभिन्न आइसोलेशनमा राखिएको थियो ।
१२ महिला र ११ पुरुष गरी २३ जना कोरोनामुक्त भई डिस्चार्ज भएका हुन् । योसँगै बाँकेमा कोरोना संक्रमणबाट निको भई डिस्चार्ज हुनेको संख्या १ हजार ६ सय ७३ पुगेको छ ।
हाल बाँकेका विभिन्न आइसोलेशन केन्द्रमा अन्य जिल्लाका १७ सहित ४ सय ४३ जना सक्रिय संक्रमित उपचाररत छन् । बाँकेमा हालसम्म कोरोना संक्रमितको संख्या २ हजार १ सय २० रहेको छ भने २१ जनाको मृत्यु भईसकेको छ ।
