सदरलाइनडटकम,
नेपालगञ्ज : नेकपा बाँकेका युवा नेता रत्न खत्रीले खजुरा गाउँपालिका अन्तरगतका विभिन्न क्वारेन्टाईनका लागि स्वास्थ्य सामाग्री वितरण गरेका छन् । नेता खत्रीले राधापुरको तिर्खा आधारभुत विद्यालय र मैटहवा माविमा मास्क र सेनिटाईजर सहयोग गरेका छन् । उनले वडा सदस्य तथा कार्यपालिका सदस्य फत्तेकुमारी जैशीलाई विद्यालयमै पुगेर हस्तान्तरण गरेका हुन ।
यसैगरी नेता खत्रीले सीतापुरको सिगाउँस्थित अमर मावि, उढरापुरको जनसेवा मावि र जनकल्याण प्राविमा मास्क र सेनिटाईजर सहयोग गरेका छन् ।सि गाउँस्थित विद्यालयमा वडा सदस्य नन्दलाल गुप्तालाई उढरापुरमा वडा सदस्य हजुरा वम र कृष्णमाया विक, जंगवहादुर विकलाई सामग्री हस्तान्तरण गरेका थिए ।
खजुरामा वडा सदस्य देउमाया थापा, विद्यालयका प्राचार्य राजेन्द्र सापकोटा र विद्यालय ब्यवस्थापन समितिका अध्यक्ष नेत्र रानाभाटलाई सामाग्री सहयोग गरेका थिए । यसैगरी खत्रीले योगिनी मावी गौघाटमा रहेको क्वारेन्टाईनका लागि पनि स्वास्थ्य सामग्री सहयोग गरे ।
वडा सदस्य टोपवहादुर खत्री, विद्यालयका प्राचार्य गगन खडका, विद्यालय ब्यवस्थापन समितिका अध्यक्ष हिमवहादुर पुनलाई नेता खत्रीले सामग्री हस्तान्तरण गरेका छन ।
नेता खत्रीले ईगाउँ क्वारेन्टाईनका लागि समेत स्वास्थ्य सामग्री सहयोग लिएर पुगेका छन । खत्रीले यसअघि वेजनाथ र जानकी गाउँपालिका तथा खजुराको ईगाउँ र रनियापुरमा रहेको क्वारेन्टाईनका लागि आवश्यक स्वास्थ्य सामग्री सहयोग गरेको बताए ।
