सदरलाइनडटकम,
नेपालगञ्ज : कोरोना भाइरसको सङक्रमणको जोखिमबाट जोगिन आव्हान गरिएको लकडाउनका कारण भोको पेट बस्नु पर्ने अवस्थामा पुगेका मजदुर, विद्यार्थी, डेरावाललाई सहयोग गर्न नेपालगंञ्जमा नेकपा नेपालगञ्ज उपमहानगर समितिले छुट्टै अभियान शुरु गर्ने भएको छ ।
नेपाल कम्युनिष्ट पार्टी (नेकपा) नेपालगञ्ज उपमहानगरपालिका कमिटीले विपद ब्यवस्थापन कोष खडा गरी राष्ट्रिय बाणिज्य बैंक धम्बोजी शाखामा बैंक खाता नै खोलिएको कमिटीका सचिव दत्तप्रसाद आचार्यले जानकारी दिए ।
उनले दिएको जानकारी अनसार सो कोषमा सहयोग गर्न चाहाने दाताहरुले चल्ती खाता नम्बर ४१३०००६७१२०१ मा सहयोग जम्मा गर्न सक्ने छन् । उनले पार्टीका सबै तहका नेता, कार्यकर्ता, समाजसेवी, उद्योगी, ब्यवासायी सबैले सहयोग गर्न आग्रह समेत गरेका छन् ।
