नेपालगञ्ज : बाँके प्रहरीले ठूलो परिमाणमा सुर्ति बरामद गरेको छ । भारतबाट अवैधरुपमा नेपाल भित्र्इएको एक ट्रयाक्टर सुर्ति बाँके प्रहरीले बरामद गरेको हो ।
नेपालगञ्ज वडा प्रहरी कार्यालयका इञ्चार्ज प्रहरी निरीक्षक डिल्लीबहादुर खड्काको नेतृत्वमा गएको टोलीले जानकी गाउँपालिका वडा नं. १ साईगाउँबाट भे १ त ७७२९ नम्वरको ट्रयाक्टरमा राखेर नेपाल ल्याइएको ३५ केजीको ४८ बोरा काचो सुर्ति बरामद गरेको हो ।
प्रहरीले ट्रयाक्टर चालक साइगाउँका नाफिस कवडिया, भानु बर्मा र शेर अलिलाई पक्राउ गरेको छ । उनीहरुमाथि थप अनुसन्धान भइरहेको इञ्चार्ज खड्काले बताए । उक्त सुर्ति करिव ३ लाख ६० हजार मूल्य बराबरको रहेको बताइएको छ । सो सुर्ति खजुरातर्फको एउटा उद्योगमा लैजान लागेको प्रारम्भिक अनुसन्धानबाट खुलेको छ ।
