सदरलाइनडटकम,
दाङ : दाङमा बस र ट्रक ठोक्किँदा १२ जना घाईते भएका छन् । पूर्व–पश्चिम राजमार्गअन्तर्गत पूर्वबाट पश्चिम जाँदै गरेको ना १ क ४७९३ को ट्रक र पश्चिमबाट पुर्वतर्फ जाँदै गरेको बा ५ ख ५१८३ नम्बरको बस एक आपसमा ठोक्किएर १२ जना घाइते भएका हुन् । राप्ती गाउँपालिका वडा नं. २ बराखुट्टीमा शुक्रवार राती २ बजे भएको दुर्घटनामा १२ जना घाईते भएका हुन् ।
गम्भीर घाइतेमध्ये बस चालक कैलाली जिल्ला घोडाघोडी नगरपालिका १ निवासी अरूण चौधरीलाई बुटवल र बसका यात्रु कैलाली जिल्ला गौरीगंगा नगरपालिका १० निवासी १९ वर्षीया प्रिति चौधरीको कोहलपुरमा उपचार भईरहेको छ । अन्यको राप्ती सेवा पोलिक्लिनिक भालुवाङमा उपचारपछि घर फर्किसकेको प्रहरीले बताएको छ ।
ट्रक र बस ठोक्किँदा बाह्रजना घाइते
१८ आश्विन २०७६, शनिबार १४:१०
