सदरलाइनडटकम,
डुडुवा (बाँके) : युरोपियन युनियनकी राजदूत भेरोडिना केडीले बाँकेको डुडुवा गाउँपालिकाअन्तर्गत बाढी डुबान प्रभावित क्षेत्रको अवलोकन गरेकी छन् । बाढी पीडितसँग भेटघाट गर्दै उनले विपत प्रभावित क्षेत्र गाउँपालिकाको होलिया आसपास राप्ती नदीको कटानको अवलोकन गरिन् ।
अवलोकनपछि गाउँमा आयोजित स्थानीयसंगको भेटघाटमा उनले बाढी डुबानको समस्याले चिन्तित भएको बताउँदै विपद् व्यवस्थापनका लागि गाउँपालिकाले बनाएको योजना ठीक रहेको बताइन् ।
कार्यक्रममा गाउँपालिका अध्यक्ष नरेन्द्रकुमार चौधरीले गाउँपालिका क्षेत्रमा विपद् व्यवस्थापनको अवस्थाका बारेमा जानकारी गराउँदै जिल्लाकै अति प्रभावित क्षेत्र रहेकाले पञ्चबर्षीय योजना निमार्ण गरि कार्य गरिरहेको बताए ।
नदी कटान नियन्त्रण, आश्रय स्थल निमार्णलगायतका बारे जानकारी दिँदै उनले दातृ निकायको ध्यानाकषर्ण गराए । नेपाल रेडक्रस सोसाइटी बाँकेको पहलमा राजदूत बाढी प्रभावित क्षेत्रको अवलोकन तथा स्थानीयसंग भेटघाट गरेकी हुन् । कार्यक्रममा रेडक्रस बाँके सभापति गोबद्र्धनसिंह सम्झना, गाउँपालिका उपाध्यक्ष साहिदा बानोलगायतको उपस्थिती थियो ।
