सदरलाइनडटकम,
काठमाण्डौ : बन्यजन्तुको छालासहित प्रहरीले काठमाण्डौबाट चारजनालाई पक्राउ गरेको छ । प्रहरीले टोखा बस्ने सिन्धुपाल्चोक चौथली गाउँपालिका ५ का सागर भन्ने दिलकुमार श्रेष्ठ, मनमैजु बस्ने सोही ठाउँका लिलाबहादुर श्रेष्ठ र गौरीघाट बस्ने सिन्धुपाल्चोक त्रिपुरा गाउँपालिका ९ का रमेश बोहरालाई जमलबाट पक्राउ गरेको हो ।
महानगरीय प्रहरी परिसर काठमाण्डौबाट गएको टोलीले उनीहरूलाई दुई थान चितुवाको छाला र साढे एक किलो हड्डीसहित पक्राउ गरेको प्रहरीले बताएको छ । यस्तै आरुबारीबाट पनि बाघको छालासहित सर्लाही बस्ने सुजन वाइबालाई प्रहरीले पक्राउ गरेको छ ।
![](https://sadarline.com/wp-content/uploads/2022/07/3.jpg)