नेपालगञ्ज : नेपालगञ्जमा सञ्चालनमा रहेको १५७ औ रामलिलामा बडा दशैको दिनमा रावणको बध गरिएको छ । हिन्दू समुदायको बडा दशैको अवसरमा रामायणमा आधारित रामलिला अन्तरगत नेपालगञ्जको रामलिला मैदानमा सञ्चालन भएको रामलिलामा आज दशमीको दिनमा रावणको बध गरिएको हो ।
यो गत १५७ औ वर्षदेखि निरन्तर सञ्चालनमा रहेको छ । भारतको अयोध्याबाट आएका कलाकारले बाल्मिकी रामायणमा आधरित रामलिला मञ्चन गदै आएका छन ।
रामलिला सञ्चालक समितिका समितिका सदस्य रमेशचन्द्र कुमालले घटस्थापनाको दिनदेखि नै विधिवत रुपमा रामलिला मैदानमा रामलिला मञ्चन गर्दै आएको र रामायणमा आधारित रामलिलामा रामको राज्याभिषेक गरी समाप्त हुने जानकारी दिए ।
यसैबीच रावण बधको उत्सव हेर्नका लागि नरेपालगञ्जको रामलिला मैदानमा श्रद्धालु भक्तजनहरुको ठूलो घुईचो लागेको थियो । बडा दशैको दिन साँझ रामलिला मैदानमा रावण बध गर्ने गरिन्छ ।
