धनगढी : कैलाली प्रहरी फरार दुई जना प्रतिवादीलाई पक्राउ गरेको छ । प्रहरीले आगलागी मुद्दाका बर्दगोरिया गाउँपालिका–४ का वीरबहादुर चौधरी र वन मुद्दाका प्रतिवादी वडा नम्बर ५ का ज्ञानबहादुर कठरियालाई पक्राउ गरेको हो ।
उनीहरु लुकिछिपी बसिरहेको अवस्थाबाट पक्राउ गरिएको जिल्ला प्रहरी कार्यालयले जानकारी दिएको छ ।
२०६९ चैत १३ गते फैसला भएपछि चौधरी फरार भएका थिए । यसैगरी, वन मुद्दामा कठरियालाई २०७४ जेठ २९ गते अदालतले ६ महिना कैद सजाय सुनाएको थियो । इलाका प्रहरी कार्यालय सडकपुर बौनियाबाट खटेको प्रहरी टोलीले उनीहरुलाई पक्राउ गरेको जनाइएको छ ।
