नेपालगञ्ज : शीतलहरका कारण तराई–मधेसको जनजीवन प्रभावित बनेको छ । बाँकेसहित तराईका धेरैजसो क्षेत्रमा अधिकतम र न्युनतम तापक्रमको औसत भिन्नता निकै कम भएपछि दिनभरजसो शीतलहर चल्न थालेको हो ।
तराईका अन्य क्षेत्रमा पनि मापन गरिएको न्यूनतम तापक्रम औसत न्यूनतम तापक्रम भन्दा थोरै बढी देखिएको मौसम पूर्वानुमान महाशाखाले जनाएको छ । तराई भूभागमा दिनभर हुस्सु, कुहिरो लागिरहेको छ । तराईमा विशेषतः नेपालगञ्जदेखि पूर्वजनकपुरसम्म हल्का शितलहर छ ।
तापक्रम घट्न गई मध्यम किसिमको शितलहर हुनसक्ने सम्भावना रहेको महाशाखाले विशेष बुलेटिन जारी गरेर जनाएको छ । नेपालगञ्जभन्दा पश्चिममा र जनकपुरभन्दा पूर्वमा न्यूनतम तापक्रम घटी चिसोको लहर बढेर हुस्सु लाग्ने सम्भावना देखिन्छ ।
