नेपालगञ्ज : बाँकेलगायत पश्चिम तराईका जिल्लामा चिसो बढेको छ । बाक्लो हुस्सु लाग्न थालेपछि चिसो बढ्दा जनजीवन प्रभावित भएको छ । चिसोका कारण वृद्धवृद्धा र केटाकेटी सबैभन्दा बढी प्रभावित भएका छन् । चिसो बढेपछि बालबालिकामा निमोनिया र श्वासप्रश्वासको संक्रमण बढेको छ ।
चिसो बढेपछि स्थानीय बासिन्दाले बिहानपख ठाउँ–ठाउँमा आगो ताप्न शुरु गरेका छन् । दिउँसो अलि–अलि घाम लागे पनि बिहान–बेलुका भने चिसोले काम गर्नसमेत समस्या पारेको बाँके डुडुवा ६ का जयपाल मौर्यले बताए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
हुस्सुका कारण तरकारी बालीसमेत प्रभावित भएको छ । कुहिरोले आलु, गोलभेँडा र अन्य सागपातमा समेत असर पुर्याएको डुडुवा ६ का कृषक गुरुदीन यादवले बताए ।