नेपालगञ्ज : एकता युवा क्लब पुरैनीले शनिवार रक्तदान गरेको छ । नेपालगञ्ज उपमहानगरपालिका वडा नम्बर २२ पुरैनीमा रहेको क्लब र प्राइमलाइफ इन्श्योरेन्स सहकार्यमा पाँचौ पटक भएको कार्यक्रममा ४० जनाले रक्तदान गरेका छन् ।
क्लबले गर्नुपर्ने समाजिक उत्तरदायित्व निर्वाह गर्ने उद्देश्यले क्लबकै कार्यलय पुरैनीमा रक्तदान गरिएको हो । कोरोना महामारीका समयमा रगतको अभाबको समस्यालाई दृष्टिगत गर्दै रक्तदान कार्यक्रम गरेको क्लबका अध्यक्ष राजेशकुमार यादवले बताए ।
कार्यक्रममा क्लबले बाँकेमा सबैभन्दा बढि रक्तदान गर्ने सरिता ज्ञवाली, गोपीनाथ बैश्य, सामाजिक अभियान्ता सुनिल परियार लगायतलाई दोसल्ला ओढाएर मायाको चिनो हस्तान्तरण गरी सम्मान गरिएको थियोे ।
यस्तै चेत बहादुर घर्ती, मंगल जिएम, सुनिल केसि लगायतलाई मायाको चिनो प्रदान गरिएको अध्यक्ष यादवले बताए ।
