सदरलाइनडटकम,
नेपालगञ्ज : नेकपा खजुरा गांउपालिका कमिटीद्वारा ‘कोरोना बिरूद्वको हाम्रो अभियान’ अन्तर्गत आयोजना गरिएको बृहद रक्तदान कार्यक्रममा १ सय ५२ जनाले रक्तदान गरेका छन् ।
‘सुरक्षित रगतले जीवन बचाउछ, रक्तदान गरौ र स्वस्थ संसार बनाऔ’ भन्ने मूल नाराका साथ बिश्व रक्तदाता दिवस १४ मे २०२० को पूर्व सन्ध्यामा रक्तदानको आयोजना गरिएको हो ।
नेकपा बाँकेका सचिव अशोक कोईरालाको प्रमुख आतिथ्यतामा सम्पन्न कार्यक्रमको अध्यक्षता खजुरा गापा.कमिटी अध्यक्ष.राज कुमार बिक र संचालन सचिव याम ब. महतराले गरेका थिए ।
कार्यक्रममा अतिथिहरूमा संघिय निर्वाचन क्षेत्र नं. ३ का सह ईन्चार्ज डम्बर बिक तुफान, क्षेत्र नं.३ प्रदेश ख ईन्चार्ज वेदनिधी प्याकुरेल, निर्वाचन क्षेत्र नं.३ का संयोजक दिपेन्द्र शाह युगान्त, नेकपा संगठन बिभाग प्रमुख.रत्न खत्री, खजुरा गाउपालिकाका अध्यक्ष किस्मतकुमार कक्षपती, खजुरा गांउपालिका कमिटी ईन्चार्ज भिम ओलीका साथै नेकपाका नेताहरू गुमान दमाई, देव रावत लगायतको उपस्थित रहेको थियो ।
खजुराको ज्ञानोदय माविको परिषरमा आयोजित सो कार्यक्रममा खजुरा क्षेत्रका नेकपाका नेता, कार्यकर्ता, लायन्स एण्ड लियो क्लब अफ नेपालगन्ज, खजुराका सुरक्षाकर्मी, शिक्षक, बिद्यार्थीसहित १५२ जनाले रक्तदान गरेका थिए ।
