सदरलाइनडटकम,
नरैनापुर (बाँके) : बाँकेको अति पिछडिएको नरैनापुर गाउँपालिकामा अति गरीब, पिछडिएको ज्येष्ठ नागरिकहरुलाई चिसोबाट जोगाउन कम्बल बितरण गरिएको छ ।
नरैनापुर गाउँपालिका प्रमुख ईस्तियाक अहमद शाहले चिसो बढन थालेपछि गाउपालिकाको बजेटबाट हरेक वडामा बिपन्न परिवार छनौट गरि ३ सय ७० थान तथा सिटिजन ईन्सोरेन्सले उपलब्ध गराएको ५० थान गरि ४ सय २० थान कम्बल बितरण गरिएको जानकारी दिए ।
गाँउपालिका नै अबिकसित र पछाडि परेको भएकोले यहाँ बिपन्न परिवार धेरै रहेकोले सबैलाई पुग्ने गरि कम्बल पुर्याउन नसकिएकोले अति प्राथमिकतामा परेकालाई शुरुमा बितरण गरिएको शाहको भनाई रहेको छ । कम्बल पाउन नसकेकाहरु असन्तुष्ट हुन सक्ने भएको बताउदै थप कम्बल बितरणको प्रयास भईरहेको उनले जिकिर गरे ।
गाँउपालिका प्रमुख साहका अनुसार जिल्ला प्रशासन कार्यालयले पनि १ सय ५० थान कम्बल दिने कुरो भई रहेकोले पहिलो चरणमा छुटेकालाई दोस्रो चरणमा बितरण गरिने छ ।
नरैनापुरमा कम्बल बितरण
३० पुष २०७५, सोमबार १९:३६
