नेपालगञ्ज : नेपालगञ्ज विमानस्थलबाट स्रोत नखुलेको २४ लाख रकमसहित ५ जनालाई बाँके प्रहरीले नियन्त्रणमा लिएर अनुसंधान सुरु गरेको छ ।
नेपालगञ्ज विमानस्थलबाट काठमाण्डौँको लागि उडान हुन लागेका भारतीय नागरिकहरुलाई सो रकम सहित प्रहरीले नियन्त्रण गरेको हो ।
प्रहरी नियन्त्रणमा पर्नेहरुमा जिल्ला सितापुर थाना कोतवाली उत्तर प्रदेश भारत बस्ने वर्ष ४४ को प्रकाश नारायण गुप्ता, सोही ठाउँका वर्ष ४३ को अजय मिश्रा, वर्ष ४५ को आषिश गुप्ता, वर्ष ३९ को पंकज जैसवाल, वर्ष ४६ को बिमल गुप्ता रहेका छन् ।
बिमानस्थलमा चेकजाँच गर्ने क्रममा निजहरुको साथमा जम्मा रु चौबिस लाख नगद स्रोत नखुलेको रकम फेला पारीएका जिल्ला प्रहरी कार्यालय, बाँकेका प्रहरी नायव उपरीक्षक नारायण डाँगीले जानकारी दिए ।
प्रहरीले उनीहरुलाइ थप अनुसंन्धानको लागि जिल्ला अदालतबाट दिन ४ (चार) को म्याद थप लिई अनुसन्धान सुरु गरेको जनाएको छ ।
