नेपालगञ्ज : बाँके प्रहरीले दुर्लभ पाटे बाघको छाला सहित १ जनालाई नेपालगञ्जबाट नियन्त्रणमा लिएर अनुसंन्धान सुरु गरेको छ ।
प्रहरीले नेपालगञ्ज–२ पुष्पलाल चोकमा रहेको होटल रोयल महाबुबमा दुर्लभ पाटेबाघको छालाको कारोबार भईरहेको छ भन्ने गोप्य सूचनाको आधारमा जिल्ला प्रहरी कार्यालय बाँकेबाट खटिएको प्रहरीको टोलिले सो पाटेबाघको छाला बरामद गर्न सफल भएको हो ।
प्रहरीले होटलको तलासी लिने क्रममा तेस्रो तलाको १०१ नं. कोठामा भाडामा लिई बसेको जिल्ला सुर्खेत बराहाताल गाउपालिका वडानं. २ पाक्मा बस्ने बर्ष २८ को चन्द्र बहादुर कार्कीले हरियो कालो रङको झोलामा लुकाई छिपाई राखेको अवस्थामा पाटे बाघको छाला बरामद गरेको जानएको छ ।
बरामद छालाको नाप लिँदा लम्बाई ५ फिट ९ ईन्च र चौडाई ३ फिट २ इन्च भएको पाटे बाघको छाला सहित निजलाई नियन्त्रणमा लिई आबश्यक अनुसन्धान एवं कारवाही अघि बढाईएको जिल्ला प्रहरी कार्यालय बाँकेका निमित्त प्रमुख तथा प्रवक्ता प्रहरी नायव उपरिक्षक नारायण डाँगीले जानकारी दिए ।
उनले आवश्यक अनुसंन्धान गरी थप अनुसंधान र कारवाहीका लागि छालासहित डिभिजन बन कार्यालय पठाईने बताए ।
