नेपालगञ्ज : राप्तिसोनारी गाउँपालिका–८ शम्सेरगञ्जबाट स्रोत नखुलेको नगद ५ लाख ९० हजार नेपाली रूपैयाँसहित २ जनालाई प्रहरीले पक्राउ गरेको छ ।
पक्राउ पर्नेहरूमा बर्दिया राजापुर नगरपालिका–७ बस्ने २० वर्षीय तेज नारायण थारू र सोही नगरपालिका–८ बस्ने १८ वर्षीय किशोर रहेका छन् ।
प्रहरी चौकी शम्सेरगञ्जबाट खटिएको प्रहरीले भे ९ प ५८४२ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त नगदसहित पक्राउ गरेको हो । उक्त सम्बन्धमा थप अनुसन्धान भइरहेको प्रहरीले जनाएको छ ।
