कोहलपुर (बाँके) : महिलालाई घाँटी थिचेर हत्या गरेको आरोपमा कोहलपुरबाट एक जना पक्राउ परेका छन् । इलाका प्रहरी कार्यालय कोहलपुरले पक्राउ गरेको हो । पक्राउ पर्नेमा कोहलपुर नगरपालिका वडा २ मुक्तिनगरका ४५ वर्षका रामसिंह थारु रहेका छन् ।
इलाका प्रहरी कार्यालय कोहलपुरका प्रमुख प्रहरी नायव उपरीक्षक सुन्दर तिवारीले थारु पक्राउ परेको जानकारी दिए । अभियुक्त थारुले यही फागुन १७ गते राति बर्दिया, बारबर्दिया नगरपालिका वडा नम्बर ९ बनगाइ निवासी २७ वर्षीया उर्मिला चौधरीलाई घाँटी थिचेर हत्या गरेको आरोप छ ।
प्रहरीले मृतक चौधरीको शव फागुन १८ गते बैजनाथ गाउँपालिका वडा नम्बर ५ स्थित बनकट्टीदेखि जिगाउँ जाने भित्री पक्की बाटोको किनारामा फेला पारेको थियो ।
