बर्दिया : बर्दियाको बढैयाताल गाउँपालिकाका शिक्षा शाखा प्रमुख विष्णुप्रसाद ढकाललाई मोहन वैद्य नेतृत्वको क्रान्तिकारी कम्युनिष्ट पार्टी निकट अखिल क्रान्तिकारी कर्णाली प्रदेश समितिले बुधबार मोसो दलेर दुर्व्यवहार गरेको प्रहरीले जनाएको छ ।
मोटरसाइकमा कार्यालय आउने क्रममा सो पालिकाको भोलागौढी नजिक केही युवाले मोसो दलेको जिल्ला प्रहरी कार्यालयका प्रहरी उपरीक्षक प्रविण धितालले जानकारी दिए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
उनका अनुसार कर्णाली प्रदेश ६ नम्बर प्रदेश समितिले ढकाल माथि भ्रष्टाचार, अनियमिता, आफु अनुकुल अडिटर विद्यालय पठाउने र कमिशन लिने गरेको तथा प्रधानाध्यापकहरुबाट दबाबपुर्ण ढंगले भत्ता उठाउने लगायत गलत कार्य गरेको भन्दै दुर्व्यवहार गरेको जनाइएको छ ।
शिक्षा शाखा प्रमुख ढकालले नियमित रुपमा क्रान्तिकारीले चन्दा माग लगायत अनावश्यक दुःख दिने गर्दै आएको बताए । दुर्व्यवहार गर्नेहरुलाई प्रहरीले खोजी कार्य तीब्र पारेको छ ।