नेपालगञ्ज : लागुऔषध सहित २ जनालाई प्रहरीले पक्राउ गरेको छ । पक्राउ पर्नेमा कैलाली घोडाघोडी नगरपालिका वडा नं.५ बस्ने बर्ष २७ को रमेश बडुवाल र सोही ठाउँ बस्ने बर्ष २८ को गोपाल बम रहेका छन् ।
बाँके राप्तीसोनारी गाउँपालिका वडा नं. ८ पुर्व पश्चिम राजमार्ग गल्लीकटान स्थित लु. ९४ प. १२९१ नं. को मोटरसाईकल जाँच तथा खानतलासी गर्दा रमेश बडुवालको साथबाट लागू औषध ब्राउन सुगर ८ ग्राम ६०० मिलिग्राम फेला पारी पक्राउ गरेको इलाका प्रहरी कार्यालय कोहलपुरले जनाएको छ ।
प्रहरीका अनुसार, लागुऔषधका साथै एक थान सानो डिजिटल तराजु समेत बरामद गरेको छ । पक्राउ परेका दुबै जनामाथि थप अनुसन्धान भइरहेको प्रहरीले जनाएको छ ।
