नेपालगञ्ज : बाँके प्रहरीले भन्सार छलि ल्याएको खसी बाख्रा बरामद गरेको छ । नेपालगञ्ज उपमहानगरपालिका वडा नम्बर १ स्थित आशिष कुरेसी र बादशाह कुरेसीले अबैध रुपमा भारतबाट भन्सार छली ल्याएको खसी बाख्रा प्रहरीले बरामद गरेको हो ।
प्रहरीका अनुसार खसी बाख्रा ५ जिउ र उक्त खसी बाख्रा ढुवानी गर्न प्रयोग भएको मोटरसाईकल १ थान सहित अन्दाजी मुल्य १ लाख ८ हजार रहेको छ ।
पक्राउ पारेका दुवै जनालाई आवश्यक कारवाहीका लागि भन्सार कार्यालय नेपालगञ्ज पठाईएको प्रहरीले जनाएको छ ।
