नेपालगञ्ज : कोहलपुरमा मंगलबारदेखि शुरु भएको सातौं अन्तर मावि मेयर कप तथा १६औं पालिकास्तरीय राष्ट्रपति रनिङ्गशिल्ड खेलकुद छनौट प्रतियोगितामा फर्जी विद्यार्थी खेलाएपछि एभरेष्ट मावि कारवाहीमा परेको छ ।
संस्थागत विद्यालयको संगठन प्याब्सनमा आवद्व एभरेस्ट माविले छात्रा भलिबलमा फर्जी विद्यार्थी खेलाएपछि ३० हजार जरिवाना सहित कारवाहीमा परेको आयोजकले जनाएको छ ।
भलिबलको पहिलो खेलमा ग्रिन पिस माविलाई पराजित गर्दै विजय भएको एभरेस्ट माविले पुनः ब्राइटलाइटसंग क्वाटर फाइनलको लागि भएको खेलमा समेत जीत हासिल गरेको थियो । उत्त खेलमा फर्जी खेलाडी खेलाइएको पाइएपछि कार्वाही गरिएको खेल संयोजक चन्द्र गुरूङले जानकारी दिए ।
