नेपालगञ्ज : बर्दियाको राजापुर नगरपालिकामा रहेका माध्यामिक बिद्यालयका शिक्षकहरुकालागि समाबेशी शिक्षा र बालबालिकाहरुको कार्यगत सिमितता सम्बन्धी तालिम शुरु भएको छ ।
प्लान नेपालसँगको साझेदारीमा बाँके युनेस्को क्लबद्धारा बर्दिया जिल्लाका राजापुर, गुलरीया, बाँसगढी नगरपालिका र बढैयाताल गाउँपालिकामा सञ्चालन गरेको समावेशी शिक्षा र अपाङ्गता समावेशीकरण परियोजना अन्तर्गत सो तालिम सञ्चालन गरिएको हो ।
खासगरी वाशिंगटन समूह प्रश्नावली अनुसार बालबालिकाहरुको कार्यगत सिमिता पहिंचान गर्ने र त्यसको तथ्यांक अपडेट गरी त्यस्ता बालबालिकाहरुको आबश्यकता सम्बोधन गर्ने उध्येश्यका साथ यो तालिमको आयोजना गरिएको हो ।
तलिमको औपचारिक शत्र बाँके युनेस्को क्लबका संरक्षक एवं पुर्व अध्यक्ष राजेन्द्र चौधरीको अध्यक्षतामा गरिएको थियो । सो शत्रमा तालिम आयोजनाको उदेश्य र सहभागीहरुलाई स्वागत बाँके युनेस्को क्लबका कार्यक्रम संयोजक महेश नेपालीले गरेका थिए ।
उद्देश्य प्रष्ट पार्दै नेपालीले बिद्यालय तथा समाजमा अपांगता भएका ब्यक्ति र बालबालिकाहरुले अन्येक किसिमका अप्ठयाराहरुको सामना गरिरहेको र उनीहरुका ती जटिलताहरुको न्युनिकरण गर्न सम्बन्धित पक्ष त्यति गम्भिर नदेखिएको अबस्थामा बिशेष गरी बिद्यालयका बालबालिकाहरुमा रहेको अपांगताको किसिम र मात्रा वा उनीहरुको कार्यगत सिमितताको पहिचान गरी उनीहरुको आबश्यकता सम्बोधन गर्ने र बिद्यालयलाई अपांगता मैत्री बनाउनुपर्ने कुरामा जोड दिए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
तालिमको सहजीकरण बिषय बिज्ञ रामलाल धामीले गरिहनु भएको छ भने औपचारिक कार्यक्रमको सञ्चालन समाज परिचालन अधिकृत जनक रामथारुले गरेका थिए ।
कार्यक्रममा नागरिक समाज संजालका अध्यक्ष प्रमिशा थारुको पनि उपस्थिती रहेको छ । औपचारिक शत्रमा राजापुर नगरपालिकाका महिला, बालबालिका तथा जेष्ठ नागरिक शाखाका प्रमुख रिता कुमारी थारुको पनि उपस्थिती रहेको थियो ।
तालिम ३ दिन सम्म सञ्चालन गरिनेछ ।
तालिममा बिद्यालयका प्रधानाध्यापक, डाटा फोकल शिक्षक र जेन्डर फोकल शिक्षकको उत्साहपुर्ण उपस्थिती रहेको छ । तालिम अबधी भर सहभागीहरुलाई वाशिंगटन समूह प्रश्नावली अनुसार बालबालिकाहरुको कार्यगत सिमितताको पहिंचालन सम्बन्धी ज्ञान, सिप हाँसिल गरी आ–आफ्नो बिद्यालयको बालबालिकाहरुको कार्यगत सिमितता पहिंचान योजना बनाउँने र सोही अनुसार कार्य गर्न प्रतिबद्ध बनाउने अपेक्षा रहेको छ ।