नेपालगञ्ज : जाजरकोट भूकम्पमा घाइते भएका ४६ जनाको नेपालगन्जस्थित भेरी अस्पतालमा उपचार भइरहेको छ । सोमवार आएको परकम्पमा परी घाइते भएका तीन महिने नाबालिगलाई पनि मंगलवार भेरी अस्पतालमा ल्याइएको छ । हालसम्म ४९ जना भर्ना भएकोमा एक जनाको मृत्यु भएको छ भने दुई जना डिष्चार्ज भएका छन् ।
एक जनाको आइसियूमा उपचार भइरहेको जिल्ला आपतकालीन कार्यालय सञ्चालन केन्द्र बाँकेका फोकल पर्सन नरेश श्रेष्ठले बताए । पहिले सिकिस्त भए पनि हाल सुधारोन्मुख घाइतेको संख्या २ र सामान्य सुधारोन्मुख घाइतेको संख्या ४४ रहेको श्रेष्ठले जानकारी दिए । पछिल्लो १२ घन्टाभित्र २ जना घाइते भेरी अस्पतालमा थपिएका छन् भने दुई जना उपचारपछि घर फर्किएको अस्पतालले जानकारी दिएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
आज बिहानसम्म भेरीमा २६ महिला र २० जना पुरुषको उपचार भइरहेको छ । यी मध्ये जाजरकोटका ३०, रुकुम पश्चिमका १३, बाँकेका २ र सल्यानका १ जना छन् ।