नेपालगञ्ज : सदिऔं पुरानो मन्दिरको प्रचारप्रसार र ब्यवस्थापनका लागि बाँकेको खजुरा ४ एफगाउँमा रहेको किरण भवानी मन्दिरमा बुधबारदेखि जारी धार्मिक महा–महोत्सवमा दाताहरुको दिनप्रतिदिन सहभागिता बढिरहेको छ ।
यहि २२ गतेसम्म चल्ने महोत्सवमा स्थानीय दाताको स्वतस्फुर्त सहभागिता देखिएको महोत्सव समितिका अध्यक्ष खड्गबहादुर वलीले जानकारी दिए ।
पुर्व वडा अध्यक्ष समेत रहेका स्थानीय देबबहादुर रोकायले एक लाख ५१ हजार रुपयाँ सहयोग गरेका छन् । यसैगरी बिरबहादुर बिसीले एकलाख ५ हजार एकसय, लक्ष्मीदेवी योगीले एकलाख सहयोग गरेका छन् ।
अध्यक्ष वलीका अनुसार करिब एक विघा क्षेत्रफलमा रहेको मन्दिरलाई धार्मिक पर्यटकीय क्षेत्रको रुपमा विकास गर्ने समितिको योजना रहेको छ ।
