नेपालगञ्ज : बाँकेको डुडुवा गाउँपालिका–१ बस्ने एक किशोरीको रहस्यमय मृत्यु भएको छ । अघिल्लो दिनदेखि बेपत्ता स्थानीय श्यामलाल हरिजनकी छोरी १२ वर्षीया रिता हरिजनको मंगलबार शब फेला परेपछि प्रहरीले घटनाको अनुसन्धान शुरु गरेको हो ।
बाँके प्रहरीका अनुसार, ट्याक्टरले खेत जोत्ने क्रममा शव फेला परेको भन्ने खबर प्राप्त हुनासाथ जिल्ला प्रहरी कार्यालय बाँकेबाट खटिएको प्रहरीले ट्याक्टर चालकलाई आवश्यक सोधपुछका लागि नियन्त्रणमा लिएर थप अनुसन्धान गरिरहेको छ । डुडुवा गाउँपालिका–१ टेपरीस्थित खेतमा गाडिएको अवस्थामा किशोरीको शव फेला परेको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
प्रहरी स्रोतका अनुसार, किशोरीको हत्या आशंकामा दुई जनालाई नियन्त्रणमा लिएर बाँके प्रहरीले अनुसन्धान गरिरहेको छ । ‘एक/दुई दिनमै हामी एउटा निष्कर्षमा पुग्छौं,’ बाँके प्रहरी प्रवक्ता, डिएसपी नारायण डाँगीले भने ।