नेपालगञ्ज : रोकी राखेको ट्रयाक्टरमा जोडिएको थ्रेशरमा मोटरसाइकल ठोक्किँदा चालकको मृत्यु भएको छ ।
नेपालगञ्ज उपमहानगरपालिका वडा नं. २० राँझास्थित सडकमा रोकी राखेको भे १ त ३२३० नम्बरको ट्रयाक्टरमा जडित धानको थ्रेशरमा भे ९ प ६०१ नम्बरको मोटरसाइकल बिहीवार राती ठोक्किँदा चालक नेपालगञ्ज उपमहानगरपालिका वडा नं. ८ त्रिभुवन चोकका विनोदकुमार बाल्मिकीको मृत्यु भएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
दुर्घटनामा परेर घाइते भएका बाल्मिकीलाई उपचारका लागि नेपालगञ्ज मेडिकल कलेज लगिएको थियो । उपचारका क्रममा उनको मृत्यु भएको प्रहरीले जनाएको छ ।